Haqqımızda

Muğalov Kimdir?

Mən Muğalov Ramin Tofiq oğlu 1989-cu ildə Ağstafa rayonunun Poylu kəndində anadan olmuşam, ali təhsilim olmamağına baxmayaraq həyatın texnologiya, fəlsəfə və elmə yönəlik sahələrinə marağım böyük olub. Ağstafada yaşayıram, ailəliyəm və 3 nəfər övladım var. Hazırda Web Proqramlama, Fotoqrafçılıq və 3D mühəndislik işləri ilə məşğulam və Bigg.az saytının qurucusuyam.

Mugalov.com mənim şəxsi baxışlarımı əks etdirən, elm və həyat fəlsəfəsinə dair müxtəlif mövzuları dərinliklə araşdıran bir platformadır. Saytın əsas məqsədi, yalnız bilik paylaşımı deyil, eyni zamanda oxucuları düşünməyə, özlərini kəşf etməyə və həyatla bağlı suallara fərqli cavablar axtarmağa sövq etməkdir.

Burada həyatın müxtəlif aspektlərinə aid fəlsəfi fikirlərdən tutmuş elmi yanaşmalara qədər geniş mövzular əhatə olunacaq. Bu fikirlər mənim şəxsi təcrübələrimə, müşahidələrimə və oxuduqlarımın nəticəsinə əsaslanır.

Mənim heç vaxt hər şeyi bilmək kimi bir iddiam olmayıb, saysız səhvlərə yol verib daha çox səhvsiz olmağa çalışmışam. Yenə səhvlər edə bilərəm, əgər hər hansı bir mövzuda səhvim varsa bunu mənə bildirməkdən çəkinməyin və birlikdə öyrənərək öyrətməyə çalışaq.

Oxucular Üçün Dəyərimiz Nədir?

Bu sayt, həyatın müxtəlif sahələrinə fərdi bir baxış bucağı təqdim edir. Oxucular buradan:

• Fəlsəfi düşüncələr üçün yeni perspektivlər,
• Elmi mövzulara sadə və aydın yanaşmalar,
• Həyata dair suallara dərin və mənalı cavablar tapmaq imkanı əldə edə biləcəklər.

Hər bir məqalə və yazı, oxucuların düşüncə tərzinə təsir göstərməyi, onları öz dünyagörüşlərini yenidən dəyərləndirməyə sövq etməyi hədəfləyir.

Pulsuz və Hamıya Açıqdır

Mugalov.com tamamilə pulsuzdur və hər kəsin istifadəsi üçün əlçatandır. Saytım heç bir kommersiya məqsədi güdmədən, bilik və düşüncə paylaşımını əsas götürür.

Bu platformada siz yalnız oxumaqla kifayətlənməyəcək, həm də öyrəndiklərinizi həyatınıza tətbiq edə biləcəksiniz. Saytda paylaşılan hər bir fikir, sadəcə bir yazı deyil, daha dərin düşünmək və öz həyatınıza tətbiq etmək üçün bir çağırışdır.

Niyə "Mugalov.com"?

Bu saytın adı mənim soyadımla bağlıdır – Mugalov. Bu, yalnız bir ad deyil, eyni zamanda mənim həyat, elm və fəlsəfəyə olan baxışımı təmsil edən bir markadır. Mugalov.com mənim daxili dünyamı, düşündüklərimi və paylaşmaq istədiklərimi ifadə edir.